الصفحة الرئيسية
الأخبار
دفتر الزوار
البحث في الموقع
اشترك معنا
اتصل بنا
الكنيسة
نشاطات وأخويات
روحيّات
مقالات
أمسيات ومحاضرات
مختارات
مواهب وأقلام
ملفّات وثائقيّة
معرض الصور
مواهب وأقلام --> تأملات

حنونة يا عدرا

  بقلم: زينة سلّوم

 
يا عدرا ...
يا أمي و أم البارّ
أنتِ بحالتنا أدْرى
وطن مجروح وعيون ليل نهار
تعبت ، صارت نبع للعَبرة
كل يوم صور و شوية أخبار
بتزرع الهم و بتمحي السَّكرة
خوف ، قلق ، حزن ، و انتظار
دخيلِك ... دبنا من كتر النطرة
قلوبنا بردانة اعطيها شعلة نار
لترجع توهِّج بقلوبنا الجمرة
أنت أمنا ، و هالوادي إلك دار
يا ريت تضلّك وادينا مزَنْرة
من سيدة التلة لسيدة الوادي جيناكي زوّار
ركب بتركع ..
عيون بتدمع ..
كل بيت وعيلة بيحكولك سرار
إلك بيوتنا وعيالنا ، احميها من الكسرة
 
الشب ، الصبية ، الطفل و الختيار
بالكبوة بيندهولك :
دخيلِك يا عدرا
ضعنا و تهنا و صار اللي صار
لا تنسينا ...
فِضْيت الجرّة
قولي لابنك يملّيلنا الجرار
من رحمتو و يثبتنا بالخمرة
وولادك الرهبان اللي تخلّوا
سكنوا بالأديار
قدامك صلّوا
لابنك سجدوا
و حملولنا البشرى
راهب راكع بخشوع و وقار
بيصرخلك :
يا أمي ، منّك القدرة
و راهبة لبست توبك و اختارت خَيار
ال " نعَم " و من خبرتك أخدت الخبرة
عينك عليهن و علينا
 احمينا من غدر الأشرار
 
سوا منشهد ليسوع
و منمسح عن القلوب الغبرة
يا مريم ..
أنت الرجا
أنت الأمل
لكل خايف و محتار
ع وادينا بدنا منك نظرة
حتى يبقى بحضور ابنك نور و نار
يضوّي ، ينوّر هالدنيا المعَتْرة
حنّي علينا يا مريم
 و عكل الأقطار
ما إلنا غيرك ...
 حنونة يا عدرا
 

الاسم*

البريد الالكتروني*

الدولة

المدينة

عنوان التعليق*

نص التعليق*

   
ريم   الدولة : سوريا - حلب2014-05-09
يا حنونه ياعدرا:
عطياكي لا حدود لها الفرح والهناء الحقيقه الذي نعيشه ايامنا وجودك وابنك يسوع بحياتنا نحيا اكبر حقيقية فرح روحي وابدي
 
حنان   الدولة : سوريا - حلب2014-05-09
امين:
ياعدرا انتي بقلوبنا الي الابد نحيا بهنا بحسك وابنك يسوع حياتنا لتي نحياها ولتي عشناها نشكرك على عطاياكي الجميله جملتي حياتنا كله نعيش كل امنياتنا واكثر ما نتمنا من الحياة ياحنونه ياعدرا
 
جوني   الدولة : سوريا - دمشق2012-10-02
رجاء:
العدرا تكون معيك يازينة ومعنا علا هل محنيه نشالله رح نتخطاها ياصديقتي
 
دعاء إلى الروح القدسلاسمك
حُكْمٌ بالإعدامإلهي
أريدومضةٌ في الضيق
اسمكِ حلو على قلبيمشروع الحبّ
هناء عاطفيآلام
وحيدونلماذا يحبّ يسوع الفقير؟
لمزيد من العناوين
اتصل بنا | أخبر صديق | المفضلة | صفحة البداية | خريطة الموقع
              Web Design by Sawa Soft Aleppo - Syria
 
إلى الأعلى